0 0
 

Recently added item(s)

Aucun produit

Free shipping! Expédition
0,00 € Total

Commander

Produit ajouté au panier avec succès

Quantity
Total

There are 0 items in your cart. There is 1 item in your cart.

Total products (tax incl.)
Total shipping (tax excl.) Free shipping!
Total (tax incl.)
Continue shopping Proceed to checkout

Artistas

La Vachèira, Una joinessa en montanha d'Ardecha - Alain CHARRE

L-9782381530598

New

1 Item

Dins l'estòc

17,00 €

La Vachèira, Una joinessa en montanha d'Ardecha - Alain CHARRE. Racònte. Los remembres de Terèsa, un dels darrièrs testimoniatges d'una civilizacion que s'escantís. Edicions Nombre 7.

More details

STATIC BLOCK

Data sheet

TypeBroché
Année2020
Lengaoccitan (aupenc)
Pages210
Format15 x 21 cm
DistributeurEditions Nombre 7
ISBN978-2-38153-059-8

More info

La Vachèira - Una joinessa en montanha d'Ardecha - Alain CHARRE


Racònte.

« Li aiá sèt o uèt vachas e dos buòus ; un jorn, n’i a un que m’aiá esversada, dins lo bòsc… A uèt ans… Ò ! Si m’aiá tuada, ne’n restava encara… Ò garça, quanta vida ! Auriá mèlhs amat restar vèrs mos parents, travalhar a la bòria e panar los petits.
Quand fasiá marrit temps, aiá gis de parapluèia per m’abrigar, pas megius un empermeable ; fasiá un capuchon eme una bòtja e la botave sobre la tèsta ; m’acaptava las espatlas.
Lenguissiá mon ostau, manjave sens apetit ; pasmins, me bailavan a manjar, mè manjave pas sovent, aiá mau de ventre…»

Terèsa cònta sa joinessa de dròlla lojada per gardar las vachas e lo biais de viure en montanha d’Ardecha dins la prumèira mitat delh sègle XX.



Edicions Nombre 7.


L'autor:
Alan Chara es espelit vèrs lo Cròs-de-Giorand en 1952.


Prefaci:
Aqu’es un onor de prefaciar una òbra tan rara coma aquesta d’aicí. Dins lo mond entièr se sap que la Montanha d’Ardecha es un país supèrbe. Pasmens quau pòt dire uèi que sap encara dau bòn çò que foguèt la vida de la populacion qu’amondaut, per de centenas d’ans, lai brolhava, viviá, amava, trabalhava, esperava ?
Luènh de tot imatge estereotipat, quand auretz legit La Vachèira entrò la fin seretz d’aqueus que ne sabon un pauc mai sobre la condicion umana e singularament sobre la vida de las femnas d’Euròpa, que l’Alan Chara chausiguèt d’escotar la paraula d’una persona que passèt tant vau dire d’un mond en un autre. Per o faire, pacient, prenguèt lo temps d’acampar los mots de la Mamà que o vouguèt ben gaireben tot contar. Tot ? Ò qu’aí ! çò que l’òm ditz, mai çò que l’òm ditz pas totjorn… E aquí chaliá trobar la bòna distància, sens ren garar ni mai escondre per gardar tota la fòrça dau testimoniatge, e amb tota la necessària rigor quand s’agís de se sarrar de l’intimitat d’una persona unica que baila sa veritat.
Chausiguèt mai l’autor de respectar la lenga d’aqueste país, pròva d’atencion rarissima, e lo parlar dès lo Cròs eissaièt mai de lo pas traïr. L’òbra ganha aquí per los amoroses de l’occitan quaucòm d’inestimable, que dins chasca frasa li chap aumens un diamant. E sovent mai que d’un.
Aquesta publicacion pòt donc servir d’exemple, que permet de restituïr la singularitat d’una persona e d’un temps dins los mots ont se passèt sa joinessa. Aquò farà conéisser en totes una realitat sociala e istorica per lo plaser d’aqueus que, per comprene los temps que se passan, o eissuèblan pas tot dau passat.
Denis Capian, Institut d’estudis occitans (Ardecha)


Somari:
Mos parents, mon espelida
Lo Mont, mon ostau
Lo bestiau
Gardar a sièis ans
L’escòla
Gardar vèrs lo Mont
La guèrra 1939-1940, lojada vèrs Vernason
L’Ocupacion, 1940-1945
Menar una bòria
Lojada elh molin d’Aon e vèrs lo Gorièr
La religion
Las velhadas, la tuada
Vida de femna
Biais de viure
La nòvia  

Article de premsa:

Alan Charre ven de publicar sa darrièra òbra qu'es un testimoniatge de la montanha de Vivarés. Malgrat que, pr’amor de sos polits païsatges, siá un dels païses occitans mai illustrats de fotografias que se fan virar pel Mond, es sustot un país ont los òmes e las femnas an viscut en quasi autarquia fins a la mitat del sègle XX, dins una civilizacion qu'es a desaparéisser. Lo libre La Vachèira, una joinessa en montanha d'Ardecha presenta justament lo testimoniatge de Terèsa, de la darrièra generacion de l'ancian mond, que liura son testimoniatge, sa vertat intima… los remembres de sa joventut, la vida d'una enfantona que gardava de tropèls e qu'aguèt de dificultats grèvas a l'escòla per saber pas parlar francés. La Vachèira es un testimoniatge de la conducha de la bòria, l'influéncia de la religion dins la vida vidanta, la condicion femenina suls nauts planastèls...
Una òbra de legir, escricha originàriament en occitan.

Article dau 3 de mai de 2020, dins lo Jornalet.com

Reviews

Aucun commentaire n'a été publié pour le moment.

Write a review

La Vachèira, Una joinessa en montanha d'Ardecha - Alain CHARRE

La Vachèira, Una joinessa en montanha d'Ardecha - Alain CHARRE

La Vachèira, Una joinessa en montanha d'Ardecha - Alain CHARRE. Racònte. Los remembres de Terèsa, un dels darrièrs testimoniatges d'una civilizacion que s'escantís. Edicions Nombre 7.

Write a review

Les clients qui ont acheté ce produit ont également acheté...