Mèl o citron, e Endacòm mai - Brigita Miremont

Mèl o citron - Endacòm mai - Brigita Miremont

Recuelh de poesia per Brigita Miremont.

L'esperavam dempuei quauque temps...Veiqui "Mel o citron e Endacòm mai", reedicion a las edicions Novelum -IEO daus dos recuelh de poesia per Brigita Miremont, precedentament pareguts en 2003 e 2009.

Edicions Novelum - IEO Perigord.

L'autor:

Brigita Miremont es nascuda a Tinhac, a costat de Sarlat, dins queu ranvers onte los adultes nonmàs parlavan occitan. A totjorn 'gut beucòp d’admiracion per son oncle, lo majorau Pèire Miremont, autor de mai d’una òbra en lenga occitana, que li contava sovent sa lucha per la defensa de quela lenga que ela i aviá pas 'gut drech. 'Laidonc, quand lo moment li es 'ribat d’exprimir sas emocions e sos sentiments, quò es en lenga nòstra que los mots son venguts naturalament.

Sa rencontra coma lo musician Yannick Guédec a donat naissença au grope 'Trapa-bec : polifonias a doas votz e violoncela, acompanhadas a l’acordeon e a las percussions.

Estrach:

Mèl o citron

Quand a rasís venes,
Sès lo mèl, saborós.
Mas quand luènh, t'entòrnes,
Sès lo citron, despietadós.

Un pauc de baume melicós
Sus sa pèl captiva, as pausat.
Mas dins son cur tu as laissat,
Fòrça marcas dolentosas.