1001 aicós - Sèrgi Viaule

1001 aicós - Sèrgi Viaule

Poesia occitana (1001 haïkus).

Se tracha d’una performança literària unica dins lo genre. Un convit poetic a glopejar un pauc cada jorn.

« ... pòdi parlar un pauc dels aicós de Sèrgi. M'i soi afeccionat. Ai descobert que d'unes semblan de provèrbis. D'autres son francament risolièrs. Mas subretot que Sèrgi mòstra una granda atencion a las bèstias e a las plantas ; als arbres e a tot çò que viu. Çò que per ieu ne fa lo prètz, al delà de la fòrma. Pas que per aquò val lo còp de lo legir.
Pensi qu'es fondamentalament amorós del monde e de las gents. Sos aicós son pas totes aimables. N'i tanben de plan tristes, pauc de francament desesperats, puslèu melancolics ». Sèrgi Labatut (estrach del prefaci).

Colleccion Messatges (poesia), IEO edicions.

L'autor:

Sèrgi Viaule es nascut dins una familha occitanofòna en 1950 a La Vaur, en Albigés. Pauc o pro escrich desempuèi son adolesciéncia (poesias, racontes, novèlas, romans).

Extrach:

La vèsta vièlha
penjada dins l’estable
nada dins la mòrt.

Maçon maçona,
cordurièr cordureja.
Aiquista quista.