Baìo - Paolo Ansaldi

Baìo  - Noi vogliamo fare gli sposi...io faccio la sposa ! Paolo Ansaldi (DVD)

DVD - film documentari

La Baïa es un aveniment que tuchi atendon per cinc ans. Encà pro qu’es mec onhi cinc ans –dison i sampeirés- se non seria pas possible de réser na fatiga parelh aquí. Per lhi òmes que devon far-la coma protagonistas, per las fremas que devon parear las viestas, per tuchi que per doas diamenjas e un jòus (jorn e nuech) devon e vòlon dançar, chantar, bramar “Baïa!”. Parelh aquí avem cinc ans per atende-la e quand es lo moment se campem.

Rievocacion istòrica; carnaval autèntic: de liberacion, laic, sensa la jonta di cars; vera fèsta popolara, la Baïa de Sant Peire en Val Varacha resta una de las gaires grandas manifestacions istòricas de nòstras valadas occitanas.

Paolo Ansaldi a realizat aqueste documentari dins la Baïa 2007, en tacant dal jorn de l’Epifania, dal moment de la “chamaa” ente la gent demanda “Baïa!”. Dins lo país, sal marchat, dins las familhas se parla mec pus d’aquò: decidar lo personatge que se vòl far (a part lhi Alums que son já ben programats), formar las coblas, contar tot ai joves que devon saber e respectar la tradicion. Lo calendari de Sant Peire son las Baïas (ental 1957 ai fach la premiera, ero Sarasina! Ental 1957 Joan d’ Pritin era Abat. Ental 1972 bonànima de Janet d’Andreta fasia lo Tesorier).

Parelh an fach aquí derant nosautri e saren lhi joves d’encuei a portar anant la Baïa e la passar.

Gran Paradiso Unione Montana, Chambra d'Òc.

Estrach video: