Rèire-vida - Romieg Jumèu

Rèire-vida - Romieg Jumèu



Organizat en sequéncias çò mai sovent dialogadas, aquel roman cort "es pas per aitant una pèça de teatre", nos ditz l'autor. Met en scèna tres personatges majors : Alcinda Fasti, dicha "la Fasti", célèbra cantairitz, Alexandre Tartaràs, tuaire pas mens célèbre, e Salomon Carcanós, oficièr de polícia, mai lo pichon monde de la Fasti. De la velhada funèbra dusca a l'enterrament, aquò es lo moment de faire lo bilanç de sa vida... Aquò se farà, e non sens umor.

Extrach :
"D'aquest instant, Alcinda Fasti veniá d'intrar dins lo reiaume dei mòrts.
"Sensa que l'ereditat ò un gaubi particular l'aguèsse adobada a un tal exercici, se'n tirèt mai que ben. Subremontant leis efècts de l'apesantor e l'inconstància dei ventolets, prenguèt son auron, e après doas o tres evolucions au dessús dei jardins, s'entornèt dins sa cambra e s'anèt quilhar a la cima dau grand armari.
"Aquí, d'enaut de son ajocador, aviá una vista completa sus lo membre, e delà sus lei jardins, e delà encara sus la mar.
"I a ren coma d'aver defuntat per trobar la bòna distància a respect dei causas..."


L'autor:
Romieg Jumèu es nascut a Marselha. Après d’estudis a l’Escòla de Bèlas-Arts e un Prèmi de gravadura e d’estetica, a trabalhat dins la publicitat. A ja publicat "Sénher Quau", "Cronicas imaginàrias", "Pantòri" e "Embolh a Malamosca" dins la colleccion « a Tots », e un recuelh de poèmas, "E siguèsse una nafra... la lutz".

Edicions IEO-IDECO - Coleccion A Tots n°208.