Lo darrièr daus lobaterras – ATS 102 - Joan Canhaire

Lo darrièr daus lobaterras - Joan Ganhaire - ATS 102

Ni sus las mapas, ni mai dins las memòrias, se pòt pas trobar la mendre traça de la plaça fòrta de Lobaterra. Aurá faugut queu perjamin descubert dins lo cementeri dau priorat de Merlanda, rasís Peire-guers, per conéisser l'istòria e la fin de Lobaterra, la ben nommada.


I a doi partidas dins lo libre. D’en premier, un narrator, qu’es coma l’autor, un medecin d’aqueu canton dau Perigòrd, conta coma l’istòria dau darrier dei Lobaterras es arribat a la sieu conoissença : a la seguida d’òbras dau costat de Merlanda, d’obriers li menan de papièrs qu’an trobats, e es dins aquelu pergamins que descobrís aquela istòria.

La seguida dau libre, es l’istòria dau darrier dei Lobaterras, ò pusleu l’istòria de doi amics, Joan de l’Arribiera, qu’escriguèt lu papièrs trobats per lu obriers, e lo sieu amic d’enfància, Arnaud, lo darrier dei Lobaterras. L’istòria es au còup istòric e fantastic. Istòric perqué si debana a l’Edat Mejan, a aquela epòca que Merlanda fasia partit de la baronia de Bordelha (l’una dei quatre baronias dau Perigòrd embé Biron, Bainac, e Maruelh) , e que dei gents perigòrd (coma lo Joan de l’Arribiera e l’Arnaud dins l’istòria) son partits combatre ai crosadas. Fantastic, es tota l’istòria contada dins lu pergamins que l’es, l’istòria de la guèrra entre lu òmes e lu lops. L’istòria dei gents de Lobaterra, es l’istòria d’aquela guèrra, una guèrra sensa pietat, fins a Arnaud. Çò qu’a vist Joan de l’Arribiera dau ròtle d’Arnaud dins aquela guèrra èra tròup peant per eu, es per aquò que l’escriguèt, embé la paur qu’un jorn, quauqu’un lo legisse.

Illustracion de la cubèrta es facha da Josiana Daunis

Colleccion A Tots n°102, IEO Edicions.