La vida fin finala - Renat SETTE & Gianluca DESSÌ (CD)

La vida fin finala - Renat SETTE & Gianluca DESSÌ (CD)

Renat Sette, l'un dels cantaires mai carismatics de la musica provençala, collabòra dempuèi 1993 amb lo poèta e istorian Joan-Ives Roier : de companhs de rota en tèrra occitana e mai particularament en Nauta-Provença. An trabalhat sul repertòri tradicional occitan e las recèrcas de terren dins lo país de Forcalquier. Aquela collaboracion de trenta ans a enriquit de nombroses espectacles de Renat. La lista de sos rencontres musicals es longa : en Provença ("Cantar", "Enamorada Madalena"...) mas tanben a Piemont (Dona bèla, Baia trio), en Sardenha ("Amada" amb lo duò Elva Lutza), en Bretanha ("Cants de Bretanha e d'Occitània" amb Yann Fanch Kemener).
D'un autre costat, passionat de poesia, Renat aviá ja mes en musica dels poètas contemporanèus tals coma Serge Bec o Guy Mathieu...

Es donc tot naturalament que s'es ensajat a la composicion e a la mesa en forma d'aquelas 18 cançons tiradas del recuèlh de poèmas de Roier "Les temps passats".

Per aquò far, a causit coma companh musical son amic e guitarrista sard Gianluca Dessì.
Ja son guitarrista dins de nombroses concèrts en França, en Itàlia, en Espanha, es el que crèa los arrengaments. Sa faiçon de jogar fach que l'instrument e la votz forman pas qu'un sol còs al servici del tèxt. Renat Sette e Gianluca Dessì se son inspirats d'un univèrs musical plan personal amb de referéncias a la tradicion mas amb una expressivitat contemporanèa.
Lo repertòri privilègia l'estructura poetica del sonet.

Los poèmas contan las emocions del poèta, son rapòrt a l'enfança ("l'Odor de Sampechier", "Vaqui que Siam en Mai"), las amors ("la Luna", "Lo Còp Venent Venguet") ; un accent particular es mes sul còr ("Un Còr Passit", "T'escoteles"). Evòca egalament sa vision de la vida ("La Voidèt Fin Finala"), lo mot...

Digipack amb libret 20 paginas de las paraulas en occitan amb la traduccion en francés e en anglés.

Felmay Records.

Lo duò:
Renat Sette : cant, composicions.
Sa votz cauda e poderosa, son experiéncia granda de la scèna e son important trabalh de transmission orala fan de Renat Sette l'una de las figuras mai reconegudas de la cançon populara provençala e de la tradicion occitana en general.
Nascut a Niça, Renat a crescut dins la cultura e la lenga tipicas del rèirepaís niçard. Cantaire de Nauta-Provença, demest los mai carismatics representants del novelum de la musica provençala, es conegut per sas prestacions a cappella e sas collaboracions amb de grops musicals dels païses mediterranèus. Sa discografia cobrís de genres anant del tradicional al fòlc revival, en passant per la musica del mond e l'escritura de cançons.

Gianluca Dessì : guitarra, mandolina, arrengaments, composicions.
Sard, guitarrista e compositor de longa tòca, a fondat en 2011 lo duò Elva Lutza amb lo trompetista Nico Casu, a lo qual s'es ajustada la votz preciosa d'Ester Formosa. Dempuèi 2015, es guitarrista del grop istoric sard Cordas e Cannas.

Títols:

1. La vida fin finala (2’27)
2. La luna ei dins son plen (2’33)
3. Un ostau escondut (2’27)
4. Bolhe que bolhiràs (3’03)
5. Coma pèira au molin (2’10)
6. Lo rainard vai bensai (2’18)
7. Voudriáu èsser l’erbum (1’34)
8. Lo còp venent venguet (1’45)
9. Vaquí que siam en mai (2’43)
10. La paraula es un niau (1’50)
11. Espoutit dins la fanga (2’20)
12. Au fliper dau cafè (1’45)
13. Èra de la campanha (1’42)
14. Un còr passit (2’32)
15. L’odor dau sampechier (2’29)
16. D’una raiada d’òdi (2’21)
17. Balalin, balalan (2’56)
18. T’escoteles lo còr (2’14)

Estrachs: