Etnismo - Verso un nazionalismo umanista - François FONTAN

Etnismo - Verso un nazionalismo umanista - François FONTAN

A cura di Fredo Valla e Diego Corràine. Reedicion dal libre “Etnisme”.

Attualità di una visione ispirata e ricca sul futuro delle nazioni e delle lingue, per un mondo di popoli solidali.

Traduzione italiana di Antonio Rovera del titolo originale: Ethnisme. Vers un nationalisme humaniste.

Premessa di Sergio Salvi.

Per conóisser mielh sa figura, fondamentala per l’istòria de l’Occitània de la seconda meitat dal sècle XX, lo Parc dal Grand Bòsc de Salbertrand, en collaboracion abo la Chambra d’òc e l’editor Papiros, presenta l’òbra “ETNISME” de François Fontan, reeditaa a cura d’las Edicions Papiros de Nuoro (2019), enrichia abo lhi apòrts de qui l’a frequentat enti ans que a viscut a Fraisse, en Val Varacha, abo un’introduccion crítica de Sergio Salvi.

Al libre es jonch lo DVD dal film documentari “E lhi a lo solelh” (1999) de Diego Anghilante e Fredo Valla sus la vita e sal pensier de François Fontan.

La presentacion de la reedicion dal libre ensem al dvd son l’ocasion per repercórrer l’istòria de la naissença de la consciença occitana en Itàlia.

Edicion Insula / Papiros.

Bonus: film “E lhi a lo solelh”, pellìcula de Diego Anghilante e Fredo Valla chi contat sa vida de F. Fontan.

Arriba en libraria a vingt ans da la traduccion italiana la nòva edicion d’un classic del pensier nacionalista de liberacion modern, Ethnisme. L’òbra del 1975 de François Fontan, en la traducion d’Antonio Rovera, era jà estaa publiaa ental 1998 abo lo titol Etnismo. Verso un nazionalismo umanista, e nòtas de Joan-Lois Veyrac: encuei l’editor Insula/Papiros, per gentil permés de l’Associacion Lou Soulestrei, lo propon en la colana “Osservatorio” entre lhi estudis relatius a las nacions e a las lengas que cerchon liberacion e oficialitat. Lo libre, curat da Diego Corràine e Fredo Valla, abo prefacion de Sergio Salvi, fai la distincion entre estat e nacion, presenta una classificacion des lengas e naccions negaas d'Europa e del monde, fai l’istòria des batalhas de liberacion nacionala. Completa aquesta edicion del libre una richa seccion de testimonianças di principals actors de la batalha occitanista ai temps de Fontan en las Valadas Occitanas en Italia: Vita de François Fontan de Dino Matteodo; «E i a lo solelh», un film sus François Fontan de Diego Anghilante; Que m’a donat François Fontan de Dario Anghilante; Se un pòpol vòl viure chal que lo merite de Sergio Berardo. E pròpi aquesti testimònis de la renaissença occitana serèn presents venre 8 de febrier p.v. a la presentacion de l’òbra, que se passarè a las 20.45 en cò de l’Institut d’Estudis d’Espaci Occitan a Draonier. En aquesta nòva edicion al libre de 154 paginas es alegat un DVD abo lo film-documentari del 1999 E i a lo solelh de Diego Anghilante e Fredo Valla, que serè proiectat aquela sera per mielh comprener la figura d’uno di paires de l’occitanisme en las valadas (63 minutas).