0 0
 

Recently added item(s)

Aucun produit

Free shipping! Expédition
0,00 € Total

Commander

Produit ajouté au panier avec succès

Quantity
Total

There are 0 items in your cart. There is 1 item in your cart.

Total products (tax incl.)
Total shipping (tax excl.) Free shipping!
Total (tax incl.)
Continue shopping Proceed to checkout

Artistas

Histoire de l'Occitanie - Le point de vue occitan - Philippe Martel

Based on 3 reviews

Show reviews

L-9782367470597

New

20 Items

Dins l'estòc

12,00 €

Histoire de l'Occitanie - Le point de vue occitan - Felip Martel. L'istòria dels païses de lenga d'òc (Lemosin, Auvèrnhe, Aquitània, Gasconha, Lengadòc, Provença e Bas-Daufinés) que fan l'Occitània, pas la region administrativa. Istorian e especialista de la reivindicacion occitana d'uèi, Felip Martel prepausa aicí non pas un "roman nacional" mas una istòria dels Occitans. Yoran Embanner.

More details

STATIC BLOCK

Data sheet

TypeBroché
Année2019
LengaFrancés
Pages448
Format11 x 17 cm
DistributeurYoran Embanner
LabelCollection Histoire
ISBN978-2-36747-059-7
BonusCartes et nombreuses illustrations en noir et blanc

More info

Histoire de l'Occitanie - Le point de vue occitan - Felip Martel
(Istòria d'Occitània, lo punt de vista occitan)


Una Occitània ne pòt amagar una autra. París impausèt la fusion de doas ancianas regions administrativas, entre Tolosa e Montpelhièr, que se sona « Occitània ». Ça que la, i a una autra Occitània, l'autentica, la qu'existissiá avant l'Estat, de la Mar Granda al Piemont, e del Massís Septentrional fins a Pirenèus. Al contrari de Bretanha o de Corsega, jamai aquela Occitània es pas estada un Estat o una província identificabla sus una mapa politica.

L'ipotèsi d'aquel obratge, es qu'un espaci lingüistic es per definicion un espaci de comunicacion, aquò vòl dire que i a mai que la lenga, i a tanben de contactes, de traits culturals e mentals partejats, e una cèrta consciéncia, foguèsse mai o mens  «meridionala». En consequéncia de tot aquò, es possible de contar l'istòria d'aquel espaci e de sos estatjants, mercés a aquel libre que vos propausa Felip Martèl: Istòria d'Occitània, lo punt de vista occitan.


Per un istorian de tria, especialista de l'espaci occitan e de la reivindicacion occitana d'uèi, una novèla istòria d'Occitània – los païses de lenga d'òc, pas la novèla region administrativa. Felip Martel prepausa aicí non pas un "roman nacional" mas una istòria dels Occitans, de l'espaci occitan e de son especificitat culturala, linguistica, mentala...


L'Occitània vertadièra tèn Lemosin, Auvèrnhe, Aquitània, Gasconha (amb lo Bearn), Lengadòc, Provença (amb lo comtat de Niça) e lo Bas-Daufinés, valent a dire 32 departaments e 14 milions d'estajants en França, e mai las Valadas occitanas del Piemont italian e la Val d'Aran.

Occitània se definís per de critèris lingüistics : l'ensemble dels païses de lenga d'òc. Aquò fa que i a mai d'una Istòria, que cadun dels païses occitans aguèt son istòria dusca son annexion per França.


L'ipotèsi d'aquesta obragte, es qu'un espaci lingüistic es par definicion un espaci de comunicacion. Aquò implica, al delai de la lenga, de contactes, de caracteristicas culturalas comunas, e una cèrta consciéncia, al mens "miègjornala".




Cobertura : Jean-Eric Balnoas.
Illustracion de cobertura : lo casteu de Montsegur e un Camisard per Gwendal Lazzara.

Edicions Yoran Embanner.


L'autor:

Felip Martel, nascut en 1951, istorian, especialista de l'espaci occitan e de la reivindicacion occitana d'uèi, es professor de las universitats emerit a l'Universitat de Montpelhier 3-Despartament d'occitan.


Annèxes : bibliografia, la lenga, bandièras, pegasolets, devisas, imnes, blasons de las províncias occitanas, espòrts occitans...


Article de premsa:

Escriure l’Istòria d’Occitània, assajar de tirar un fiu d’Ariana dins lo dedale deis eveniments, dei guèrras, deis afondraments e dei renaissenças, dei revolucions e deis empèris, temptar de trobar una dralha per comprene e traversar lei sègles. D’unei lo faguèron, segur, coma Robèrt Lafònt e son Histoire de l’Occitanie en 1979, mai recentament Jean Sagnes e sa Petite histoire de l’Occitanie, en 2003. La creacion de la region administrativa, en 2016, ven complicar l’afaire, èra donc necite de propausar un novèl obratge. Lei dos sota-títols (un diferent sus la primiera e la darriera de cobèrta) : « le point de vue occitan » e « le pays d’une langue » pausan ben lo quadre. Es donc un estudi vist dempuèi l’espaci occitan e dempuèi lo territòri de la lenga que nos desliura Felip Martel, un agach decentralizat e una vision larga ligats, avant tota causa, non pas a de frontièras fisicas, mai puslèu a l’immensitat d’un imaginari linguistic. « Mèfi ! Una Occitània pòu n’escondre una autra » nos ditz lo tèxte de presentacion, coma per nos convidar a un viatge a travèrs lei rebats, en-delai de la susfàcia, au còr de la complexitat d’Òc. Per nos guidar dins lo laberint istoric, Felip Martel, que fuguèt cercaire au CNRS e professor a l’Universitat de Montpelhièr, capita de debanar un fiu cronologic en quatre partidas. Un primier moment concentrat sus leis originas, la pluralitat d’un territòri dobèrt e organizat entre Ocean e Mediterranea, auturas e baissas, nos esclaira sus lo ròtle determinant de la romanitat e deis infuéncias divèrsas que fargan lei basas de la lenga d’òc. I aprenèm, entre autre, que la paraula « pantais » ven dau grec (coma « fantasma »), çò qu’es pas sens influéncia sus nòstre biais de somiar l’Istòria occitana ! Lo temps fòrt trébol deis invasions barbaras puèi de l’Empèri carolingian es trachat ambe clartat e precision, çò qu’ajuda a encadenar puèi sus l’edat mejana. Aquela segonda partida fa tombar leis idèas recebudas costumièras sus la civilizacion ideala dau Paratge tot en afortissent leis avançadas e leis especificitats d’aqueu periòde fondator de la cultura occitana. La tresena e la quatrena partidas nos fan avançar, au ritme dei cambiaments de societat e dei borrotlaments religiós, politics e filosofics, migratòris, fins a aquela realitat d’ara : l’Occitània viventa e inagantabla que contunha de geinar lei nacionalismes e lei reduccions provincialistas de totei menas. Una tièra de mapas illustradas e de documents vènon completat l’obratge, en annèxe, e nos permeton de mielhs sasir lei nocions abordadas dins lo libre. Regretam pasmens l’image de la primièra de cobèrta, un pauc reductritz, amb un rèire-gost de ja vist e reçauput : lo castèu de Montsegur en rèire fons. L’editor breton Yoran Embanner es costumier d’aqueleis illustracions un pauc simplas que, es un vejaire personau, son luenh de rendre compte de la prigondor e de la riquesa dau trabalh de Martel. Mai, coma sovent, fau saupre anar en delai deis imatges…

Article de Silvan Chabaud, lo 8 de genièr de 2020, Lo Diari n°53.

Reviews

Aucun commentaire n'a été publié pour le moment.

Write a review

Histoire de l'Occitanie - Le point de vue occitan - Philippe Martel

Histoire de l'Occitanie - Le point de vue occitan - Philippe Martel

Histoire de l'Occitanie - Le point de vue occitan - Felip Martel. L'istòria dels païses de lenga d'òc (Lemosin, Auvèrnhe, Aquitània, Gasconha, Lengadòc, Provença e Bas-Daufinés) que fan l'Occitània, pas la region administrativa. Istorian e especialista de la reivindicacion occitana d'uèi, Felip Martel prepausa aicí non pas un "roman nacional" mas una istòria dels Occitans. Yoran Embanner.

Write a review

Customer reviews

Reviews about this product
0
1★
0
2★
0
3★
1
4★
2
5★
9.4/10


Based on 3 reviews

  • Botiga D.
    Published 02/01/2020 à 00:18 (Order date: 12/10/2019)
    5

    Le livre d'histoire indispensable pour comprendre le concept d'Occitanie

  • Yves B.
    Published 28/12/2019 à 22:53 (Order date: 13/12/2019)
    4

    Très bon texte, clair et précis.

  • Botiga D.
    Published 14/08/2019 à 08:40 (Order date: 10/06/2019)
    5

    Livre très complet et se lit facilement



Les clients qui ont acheté ce produit ont également acheté...