Ieu, Joan Pigassa, obrièr del Canal - Miquèla Teisseire, Alan ROCH

Ieu, Joan Pigassa, obrièr del Canal - Miquèla Teisseire, Alan ROCH

L’istòria d’una vida que se confond amb la de l’òbra la mai granda del Sègle de Loís XIV, lo Rei Solelh: un obrièr conta la construccion del Canal de Riquet...

Jove boscatièr de la Montanha Negra, Joan Pigassa es embauchat sus un obrador del Canal. Al fial del temps, passarà d’un obrador del Canal a un autre, en seguir las òbras que lo menan de la Regòla de la Montanha Negra fins a la mar. Rai, sa vida es pas tota planièra en aqueste sègle 17, ont ganhar sas trempas es pas causa aisida.

Lo roman vos farà dintrar dins la vida vidanta del pòble pichon d’aquela epòca. Seguiretz lo percors de Joan Pigassa, per totas las dificultats, pasmens un trabalh qu’èra estrambordant per los que s’i engatgèron, e mai la metamorfòsi del Lauragués generada per aquel obrador gigant.

Lo libre es la revirada en occitan (lengadocian) per Alan Roch del roman de Miquela Teysseyre Moi, Jean Pigasse, ouvrier du Canal. Per adolescents e adultes, un roman istoric que nos fa viure amb lo pichon pòble sus un grand talhièr del sègle 17. Un libre escrich d'un biais simple, dins una lenga populara, una narracion destricada, que se legís d'una sola estirada.

Revirada occitana d'Alan Roch, amb lo concors de M. Braç, C. Canal e M.-A. Jullian.
Colleccion Vendémias, IEO-Aude edicions.

L'autor:

Alan Roch es nascut en 1952 a Carcassona dins Aude. Regent puèi animator cultural, es tanben autor, traductor e contaire.
Foguèt secretari general a l’IEO (1981-1986).

De notar qu'es tenben un libre sonòr d'escotar jos la forma d'un fuelheton en 59 episòdis d'unas 3 a 5 minutas cadun sul siti d'Occitanica (CIRDOC).