Recently added item(s)
Aucun produit
Liames
L-9782824008974
New
1 Item
Dins l'estòc
14,95 €
Lo tresaur dels Albigeses - Un roman de Maurici Magre de la gèsta medievala occitana, revirat en occitan per Miquèla Cabayé-Ramòs e Sergi Viaule. Éditions des Régionalismes.
Type | Broché |
Année | 2018 |
Lenga | occitan (lengadocian) |
Pages | 170 |
Format | 15 x 21 cm |
Distributeur | Éditions des Régionalismes |
Label | Revirat en Occitan |
ISBN | 978-2-8240-0897-4 |
Lo tresaur dels Albigeses - Maurici Magre
Lo Tresaur dels Albigeses, tal coma La sang de Tolosa, es un roman de la gèsta medievala occitana. Lo legendari e la mitologia i tenon una plaça caporala. Un genre literari segurament pas pro desvolopat dins las Letras nòstras. Pr'aquò, lo ric e apassionant passat occitan es matèria a evocacions romanescas e poeticas. Maurici Magre o aviá comprés e lo sapièt trabalhar.
Amb l'autor tolosenc, aquela gèsta se vira lèu en quista esperituala. De mercés son caractèr fantastic, e quitament esoteric, aquel roman pivelant flaira bon l'estranhetat d'un monde ont la magia teniá una plaça màger. Avèm aquí una òbra embelinaira que dintra dins la tradicion del roman occitan del sègle XXen.
Aprèp aver publicat La sang de Tolosa en lenga occitana, las edicions dels Regionalismes se fan un dever d'ofrir al lectorat occitanofòn Lo tresaur dels Albigeses, esperat dempuèi de temps. Los dos romans se completan.
Aquesta edicion foguèt possibla de mercés la revirada de Na Miquèla Cabayé-Ramòs que fa viure aquesta òbra iniciatica dins un vestit occitan dels mai dinamics que siá. Maurici Magre s'ameritava ben aquel omenatge.
Revirat en occitan per M. Cabayé-R. & S. Viaule.
Éditions des Régionalismes.
L'autor:
Maurici Magre nasquèt lo 2 de març de 1877 a Tolosa. Moriguèt lo 11 de decembre de 1941 a Niça. Foguèt tre 1891, a l'edat de catòrze ans, que compausèt sos primièrs poèmas. Sos primièrs recuèlhs foguèron publicats en 1895, aviá dètz-e-uèit ans. Escriguèt fòrça pel teatre. Sas pèças foguèron jogadas dins los teatres mai presats d'Euròpa. Mas foguèt tanben un romancièr requist. Plan de sas òbras romanescas s'ameritan d'èsser reviradas dins sa lenga mairala. Lenga que, sul tard, regretèt d'aver pas escricha.
Aucun commentaire n'a été publié pour le moment.