Escanat e penjat - Daidièr Mir

Escanat e penjat - Daidièr Mir

Mèstre formator en occitan e pròche de la retirada, Philippe Tardieu accèpta un pòst dins una escòla bilingua de Tarn e Garona, ont assegurarà l'ensenhament en occitan. Sa motivacion e sa pedagogia contrastan amb la rotina de sos collègas…

Es regent en classa bilingua : sa partida siá, es l'ensenhament en occitan. Mentre que s'es absentat dos jorns, apren qu'es acusat de violéncias contra una de sos escolanas… realitat o cabala ?

Un ensenhaire se vei acusat de violéncias sus escolans sens compréner d’ont pòdon venir las denóncias. Lo libre espepissa lo camin tòrt que menèt a las causas e lo camin de crotz que li permèt de se sortir de la trapèla.

Un raconte bilingüe: tèxtes francés e occitan cap e cap. Version francesa de l'autor.

Edicions L'aucèu libre.

L'autor:

Daidièr Mir es un artista multimedias, autors de libre bilingües frances/occitan. Los projèctes mesclan expression plastica e litterária.

Estrach:

Dijòus 22 de març.
"Dimarç de matin, auràs de monde au portau !" Foguèron lei darriers mots de Laurença avans de copar. Èri de menar la veitura quand lo telefonet esquilèt. Manquèri l’apèu. Vesent qu’aquò veniá de l’escòla, m’arrestèri per rapelar. "La mamà de Chereen venguèt au burèu per se lanhar. Auríás tirat lei trenas de la pichona tant fòrt que criguèt e qu’Annia, la mèstressa d’a costat deguèt intervenir !" (p. 9)