Quora despareissèron lu colombs - Sofi Oksanen

Quora despareissèron lu colombs - Sofi Oksanen

Roman traduch dau finés en occitan-niçard da Miquèl de Carabatta e Sebastien Cagnoli. Perqué tradurre Kun kyyhkyset katosivat en occitan ? Perqué es tant legítimo coma de lo tradurre en englès, ò en italian. De fach, tota lenga umana pòu exprimar l'experiença e lu sentiments umans, finda un dialècte extrème-oriental de l'occitan coma lo niçard !

L’òbra de Sofi Oksanen nene parla au còr perqué es prefondament umana, perqué partissèm l’experiença dei sieus personatges tot au còup tant frales e tant sòdos e que, tra elu, capissèm un pauc cen qu’an poscut viure lu nòstres vièlhs, qu’esfloram tanben un questionament sus la fòrça de la nòstra consciença, dei nòstri conviccions. Per tant, minga liçon es donada. Sofi non fa lo retrach dau ben ò dau mau, men fa ressentir l’ànima umana davant dau sieu destin.

Edicions IEO 06, IEO CREO Provença.

L'autor:

Sofi Oksanen es naissuda en lo 1977, d’una maire estoniana e d’un paire finés. Lo temps de quauqui annadas, es devenguda una personalitat maja dei letras finesi. Es estada onorada, tant en lo sieu país coma au defòra, dei prèmis lu mai famós.