0 0
 

Recently added item(s)

Aucun produit

Free shipping! Expédition
0,00 € Total

Commander

Produit ajouté au panier avec succès

Quantity
Total

There are 0 items in your cart. There is 1 item in your cart.

Total products (tax incl.)
Total shipping (tax excl.) Free shipping!
Total (tax incl.)
Continue shopping Proceed to checkout

Artistas

Puput - Cocanha (CD)

CD-3760231769264

New

4 Items

Dins l'estòc

14,00 €

Puput - Cocanha (CD). A l'encòp la tradicion e la musica d'auèi ? Aquí avètz lo segond album de Cocanha. De voses sonòras, portadas pel batèc dels tom-tom, dels pès e de las mans. Un quasi-manifèste en l’onor du folclòre occitan ! Puput, quin traça d’aucèl. L'avem causit per sa fòrça subversiva. Ven questionar nòstra misoginia e nòstre rapòrt a la nòrma sociala. Pagans.

More details

STATIC BLOCK

Data sheet

TypeCD carton
Année2020
Durée13 titres - 42 min
Lengaoccitan
DistributeurPagans
LabelDardalh
Code DistributeurPAG023

More info

Puput - Cocanha (CD)

Puput, quin traça d’aucèl.

"Upupa epops" en latin. Del peruc tèune un pauc arcat, amb una tufa erectila, una esquina arlequina e una volada a bassacadas.

L'avem causit per sa fòrça subversiva. Ven questionar nòstra misoginia e nòstre rapòrt a la nòrma sociala.

Aquò’s lo nom occitan de la huppe fasciée, un aucèl del long bec gracil, leugièrament corbat, de la tufa erectila, de l’esquina arlequina, del vòl saquejat e bombissent. Lo grop lo causiguèt per sa fòrça subversiva.
Vos canta d’aires posats dins lo repertòri tradicional occitan e reviscolats (d’unas paraulas son tornadas escrichas, d’autras inventadas), una ritmica vigorosa, de voses que s’enauçan, s’acompanhan, s’enròtlan e se sostenon totjorn perfièchament.
Una crana energia per vos faire dançar !

En digisleeve dos tampas, amb postèr portant las paraulas e l'indicacion de las fonts (en occitan).

Pagans.


Lo grope:

Cocanha (cants polifonics a dançar)

Caroline Dufau / Maud Herrera / Lila Fraysse – votz & percussions


Còla qu'a participat a l'album PUPUT:
Produsit per Raül Refree
Mastering : Alex Psaroudakis
Dessenh : Rodin Kaufmann
Concepcion grafica : Jean-Marc Saint-Paul



Titols:

1. Suu camin de Sent Jacques
2. Cotelon
3. Colorina de ròsa    
4. Quauque còp
5. Dos branlaboièrs
6. Janeta
7. La sovenença
8. La femna d'un tambor
9. Lo castèl rotge
10. Au son deu vriulon
11. Bèth aubre
12. Los aucèls
13. Quauque còp (version polifonica)


Estrach:

"Ont as amagat mon cotelon morron

Diga-me se ton còs garda un cotèl pichon

Oh morron quilha-te fai me un poton

E paupa paupa cap a l'aucelon"


Article de premsa:

Dançar ! Es lo primièr messatge que nos balha aqueste album. Dançar per se liberar. Liberar son còs e perqué pas son èime. Vos sufís de gaitar los clips que ne son tirats (Lo Cotelon, Suu Camin de Sent Jacques) per comprene lo vam e l’enveja de la còla. L’autre grand messatge de l’album se trapa dins lo títol : Puput, un aucèl del nom evocador, que fa lum sus las intencions feministas del grop.
Lo tresen album de Cocanha se jòga de contunh dins los escotadors del telefonet. Me suspreni de picar de las mans o de m’ensajar a un pas de dança improvisat sul camin o a l’ostal. Lo temps del confinhament venguèt lo companhon de las preciosas sortidas autorizadas.
L’identitat musicala, a l’encòp minimalista e poderosa, nasquèt de la collaboracion amb Raul Refree, musician e productor catalan que collecciona las distincions de l’autre costat dels Pirenèus. Lo grop e lo productor partejan de valors d’experimentacion e de trespassament. Lo trio occitan lo venguèt quèrre pr’amor que foguèt espantat pel seu trabalh sus l’album Los Àngeles de Rosalia. I pausèt coma productor un agach inedit sus la musica flamenco.
Ambe Refree, Cocanha se concentra sus l’essencial : la votz, lo tamborin de còrdas, lo picament de las mans e dels pès. Çò remirable aquí es lo tractament menimós dels adobaments. Se sentís una brava soscadissa sus l’emplec dels voides e dels plens, coma lo grop aima d’o dire. Per far simple diriái que Puput ten un ritme que tusta. De còps vos dona lo sentiment d’escotar de hip-hop, d’electro o quitament de soul.
Saupriái pas vos parlar de musica tradicionala, mas coneissi ben la musica pòp, e aquí n’avèm un, de disc. Solide, se sentís una mestresa granda de la tradicion orala occitana, que Lila, Carolina e Maud sabon la riquesa del patrimòni musical d’aquí, mas çò remirable tanben es que sabon ne’n tirar l’essencial per fargar una musica totalament originala. Tant coma los Ray Charles, Aretha Franklin e companhiá, que faguèron mudar lo gospel en rythm ‘n’ blues e soul.
Per Cocanha, la musica tradicionala es en perpetuala evolucion. Las cançons, per prene pas la posca, devon evoluïr segon l’interprèt e son temps. Uèi, d’unas paraulas o punts de vista de las decennias e sègles passats se pòdon pas pus ausir. Los rapòrts de seduccion e la plaça de las femnas cambièron fòrça. Lo grop trantalhèt pas de cambiar e apondre de paraulas, quitament per revirar totalament lo sens d’una cançon.
Se pòt parlar d’un biais feminista, lo grop reivindica tanben lo dreit de « s’apoderar » la musica e la tradicion, « Tornar apoderà’s lo son poder desirant » segon Carolina. S’escotatz las filhas de Cocanha parlar de lor musica, insistisson de bon grat sus aquesta nocion. Prene lo poder sus la tradicion per fargar una musica personala e actuala. Una musica d’uèi.
Per Puput se trapan tanben d’aires tradicionals sencers, e de creacions coma Lo Cotelon inspirat del libre Femmes pyrénéennes d’Isaure Gratacos. De bon notar tanben que caduna de las cantairitz prepausa aquí un tròç « solo », a la mena d’un grop de rap, alavetz.
L’album gaudís d’una coeréncia bèla e d’una identitat clara. Solide que marca una evolucion màger dins la discografia de Cocanha.

Article de Guillaume Gratiolet, dins Lo Diari 55, lo 13 mai de 2020.

Reviews

Aucun commentaire n'a été publié pour le moment.

Write a review

Puput - Cocanha (CD)

Puput - Cocanha (CD)

Puput - Cocanha (CD). A l'encòp la tradicion e la musica d'auèi ? Aquí avètz lo segond album de Cocanha. De voses sonòras, portadas pel batèc dels tom-tom, dels pès e de las mans. Un quasi-manifèste en l’onor du folclòre occitan ! Puput, quin traça d’aucèl. L'avem causit per sa fòrça subversiva. Ven questionar nòstra misoginia e nòstre rapòrt a la nòrma sociala. Pagans.

Write a review

Les clients qui ont acheté ce produit ont également acheté...