NOUVEAU BESTIAIRE PROVENÇAL - Marc DUMAS

NOUVEAU BESTIAIRE PROVENÇAL - Marc DUMAS

Un Bestiaire est longtemps resté, particulièrement au Moyen Âge, une série d’images, de sculptures, de dictons ou de ritournelles destinés à instruire les non-lettrés. Ces représentations furent ensuite accompagnées de commentaires écrits, où peu à peu se découvraient la nature des relations des hommes avec le monde animal.
La transmission a souvent fait appel au sacré, aux contes et aux légendes, et des mythes sont nés ainsi. Ces textes sont peut-être les précurseurs de la zoologie moderne, même s’ils sont enrichis d’animaux imaginaires.
Avec la grande avancée des Lumières, puis des recherches scientifiques des deux derniers siècles et, beaucoup plus  récemment, avec les relations nouvelles que nous avons développées avec les animaux, la supériorité et la domination de l’homme sur l’ensemble du monde vivant ont été questionnées. Nous avons pensé que le moment était peut-être venu de faire entrer tout cela dans l’écriture d’un nouveau Bestiaire provençal, tout en gardant en mémoire que la tradition comme l’oralité paysanne qui en était le conservatoire, devaient être intégrées à cette vision actuelle de nos relations avec les animaux. La langue provençale, très riche dans le domaine de la nature, a été notre socle et notre trait d’union, peut-être aussi notre prétexte.

Edicions L'aucèu libre.

L'autor:

Marc Dumas es librari e poèta de lenga provençala (e francesa pèreu).

Es nascu à Sant-Martin-de-Castihoun en 1932. Libraire en At, animatour e foundatour de noumbróusis assouciacioun regiounalo, es esta un di primadié di Pargue Naturau Regiounau e particulieramen aquéu dóu Luberoun. Es tambèn escrivan de lengo franceso recouneigu sus de sujèt divers regiounau, mai egalamen pouèto de lengo prouvençalo. A reçaupu à-n-aquéu titre plusiour prèmi e destincioun noutamen à dos represo aquéu de l’Acadèmi de Marsiho, lou Grand Prèmi de Literaturo Prouvençalo, lou Prèmi Jòrgi Reboul e lou Prèmi de l’Astrado pèr l’ensèmble de si tèste.
A tambèn ensigna lou prouvençau dins lou public e lou privat, di classo primàri enjusqu’is adulte, pendènt mai de quaranto an.


Article de premsa:

Noste pouèto prouvençau, Marc Dumas, a pres la plumo en francés pèr presenta lou bestiàri prouvençau, mai chasco bèstio es presentado emé soun noum en lengo nostro, parieramen li moulounado d’esplico soun acoumpagnado de forço citacioun de prouvèrbi vo espressioun en prouvençau, bèn segur rèn que dins lou bestialun de Prouvènço en aquéu leissique proun de cop ilustra d’image en coulour de l’animau o la bestiouleto : l’abiho, l’agasso, l’agnèu, l’aiglo, l’alabreno, l’alauseto, l’aguielo, l’aret, lis arpian, l’ase, la saumo, l’anoun, lis aucèu o l’aucelaio, lis aucèu cambaru e li gabian, l’auco, lou banaru, lou baseli, la becasso, la bergeireto, lou galo-pastre o guigno-co, lou biòu, lou bòchi, la cabro, lou cacalaus, lou cat, lou cerbèro, lou cèrvi, lou chambre, lou chin, lou chivau, lou ciéune, la cigalo, lou couguiéu, lou couloumb, lou couniéu, lou croucoudile, lou darboun, la dindouleto o l’iroundo, lou dóufin, lou dragoun, lou faucoun, la favouio o lou cranc, la fedo, la bedigo o lou móutoun, lou fènis, la galino, la clusso o la poulo, lou gàrri, la furo o la rato, lou gau, lou grapaud, lou grifoun, l’arpìo, la chimèro, lou grihet, la lagramuso, lou lesert o limbert, la lèbre, lou lebrié, la licorno, lou lioun, lou loup, la machoto, li magnan, la marmoto, la mounino, lou singe, lou miòu, la mulo, la moustelo, l’ours, lou papagai, lou parpaioun, lou pavoun, li pèis, lou perdigau, lou porc, lou prègo-Diéu, la rato-penado, lou reinard, lou roussignòu, lou senglié, la serp, lou tau o lou brau, li tavan, la toro o la caniho, la vaco e lou vedèu.
Tout lou mounde animau es aqui, emé d’article mai o mens impourtant segound la plaço prepounderanto óucupado pèr l’animau despièi la Preïstòri e l’Antiqueta enjusqu’à nòsti jour. Mai avans que de pourgi soun leissique Marc Dumas baio uno
“Préface générale à un bestiaire d’aujourd’hui”, un grand doumaine d’estùdi de l’istòri pas soulamen regiounalo mai universalo.
Lou pouèto s’endevèn istourian eminènt pèr descriéure l’evoulun di bèstio dins la naturo, s’esquihant tambèn istourian de la literaturo pèr cita de tros de tèste de mant un autour qu’óublidèron pas l’animalun.
Tre la debuto nous aviso que la percepcioun di tratamen que fasèn aro subi is animau dèu èstre revesitado e pèr acò fau saupre la plaço qu’óucupavon dins la counsciènci couleitivo de la soucieta prouvençalo de l’Age Mejan.
Dins soun “ Incipit révélateur ” presènto lis escrivan e saberut subre-tout leissicougrafe qu’an dubert lou camin à-n-un founs de
voucabulàri animalié, d’à passa tèms, coume Frederi Mistral bèn segur emé soun Tresor dóu Felibrige, e S.-J. Honnorat emé
soun “Dictionnaire provençal-français”, enjusqu’à l’ouro d’aro emé Josiana Ubaud emé soun “Diccionari ortofrafic, gramatical e
morfologic de l’occitan”.
Li precisioun istourico vènon après emé lou chapitre “Un peu d’histoire”, partènt dóu mai ancian bestiàri couneigu lou  “Physiologos”. Pamens, coume lou dis, es d’abord pèr l’icounougrafìo que naisson li bestiàri. D’animau souto mant uno de si formo s’atrobon dins li croto d’en païs d’Oc que siegue Lascaus o Cousquèr.
Pièi vendra l’escrituro que fisso l’ouralita emé si prouvèrbi, adàgi, e loucucioun journadiero emé la lengo prouvençalo en role majour : “ La langue provençale est souvent plus évocatrice, plus généreuse, plus diversifiée et plus imagée que le français, pour ne pas dire franchouillard, qu’il est celui d’une langue minoritaire ou pire d’une langue morte - terme ridiculement admis en France, dévolu à certaines grandes langues auxquelles on doit une part irremplaçable de la littérature et de la pensée humaine, alors qu’on devrait employer à leur égard celui de “langues anciennes non parlées”.
De mai, dins l’encastre de l’intercoumunicacioun di lengo latino Marc Dumas a fa figura à coustat de chasque sustantiéu
de soun leissique animalié li noum catalan, espagnòu, italian e pourtugués.
Aprenèn tambèn que la Biblo estalouiro despièi long-tèms un tèste di mai proulisse sus l’animau counsidera coume un èstre vivènt impur. L’arco de Nouè es pas óublidado emé li bèstio sóuvajo de touto meno d’espèci. I’aura pièi lou bestiàri de l’Age
Mejan que vai metre en sceno d’animau imagina qu’eisiston pas. Vendran pièi li simbèu dóu Criste, lou pèis, l’agnèu, lou cèrvi e la couloumbo. I’aura encaro touto l’animalita reservado au demoun, emé de bèstio is atribut de satan que soun li bano, la co e li bato. Dins tout, lou coumpourtamen dis animau es d’agacha, lou vòu di dindouleto pòu anouncia l’aurige, mai tambèn uno boulegadisso estranjo de l’animalun que pòu anouncia un terro-tremo.
Segur Marc Dumas fai aqui un poulit istourique, di mai coumplèt. E n’en vaqui sa presentacioun:
Un bestiàri es long-tèms resta, particulieramen à l’Age Mejan, uno tiero d’image, d’esculturo, de reprouvèrbi vo de ritournello
destinado à l’estrucioun di noun-letra. Aquéli representacioun fuguèron pièi acoumpagnado de coumentàri escri, ounte pau à cha pau se descurbissié la naturo di relacioun dis ome emé lou mounde animau. La trasmessioun a souvènti-fes fach apèu au sacra, i conte e legèndo, e de mite soun nascu ansin. Aquéli tèste soun belèu li precursour de la zououlougìo mouderno, emai siguèsson enrichi d’animau imaginàri.
Emé la grando avançado di Lumiero, pièi di recerco scientifico di dous darnié siècle e, bèn mai nouvelamen, emé li relacioun nouvello qu’avèn desvouloupado emé lis animau, la superioureta e la douminacioun de l’ome sus l’ensèmble dóu mounde vivènt soun estado questiounado. Avèn pensa que lou moumen èro belèu vengu de faire intra tout acò dins l’escrituro d’un nouvèu “Bestiaire provençal ”, tout en gardant en memòri que la tradicioun coume l’ouralita pacano que n’èro lou counservatòri, devié èstre integrado à-n-aquelo vesioun atualo de nòsti relacioun emé li animau. La lengo prouvençalo, forço richo dins lou doumaine de la naturo es estado noste socle e noste jougnènt, belèu tambèn nosto escampo.
Em’acò lou libre s’acabo pèr si “ Réflexions sur nos relations nouvelles avec la nature et en particulier avec les animaux”. Lou
mounde rurau de soun enfanço emé lis anciàni tradicioun famihalo de passiouna de la casso soun de souveni, lou cadre de la vido urbano a boulouversa nòsti raport à l’animau emé subre-tout soun abatage dins de marrìdi coundicioun. La grando  questioun rèsto la soufranço… que Marc Dumas a lou courage d’abourda.
Mai lou leissique n’en rèsto pas mens lou tresor d’aquéu libre de resoun animaliero.

Article publiat dins Prouvènço d'aro 390.