Lo diable la se creme - Felip Biu

Lo diable la se creme - Felip Biu

Recuelh de novèlas.

« Peu men mestièr que soi acostumat a hicar en relacion documents, paraulas, hèits de tot escantilh qui pòden paréisher shens rapòrt, a'us classar, a'us analisar entà ensajar de har emergir un sens. »

Tot aquò qu'ei hòrt bon, e que'ns podem felicitar que i aja en las nostas societats de taus professionaus de la rason e de l'intelligéncia.

Mes que's passa quan las conclusions a las quaus deu logicament arribar lo cervèth uman son au delà de çò qui accèpta de concéber ?

Quate novèlas fantasticas e d'anticipacion, que van totei dins de direccions pròprias.

Per Noste edicions.

L'autor:

Felip Biu (1973) qu’ensenha l’occitan a l’Univestitat de Pau.
Qu’a publicat en çò de las edicions Letras d’òc – Camins duas traduccions d’òbras literàrias de lenga anglesa :
– Lo qui marmusava dens l’escuranha, revirat de l’anglés The Whisperer in Darkness de H.-P. Lovecraft.
– 1984, famós roman de George Orwell.

E a las edicions Per Noste: Pilula roja, Quaranta tres, Lo diable la se creme.


Article de premsa (estrach):

Un recuelh de novèlas de Felip Biu qu’acampa 4 istòrias que van totei dins de direccions pròprias. Deurián tanben publicar dins gaire lo recuelh Comuns Papers, escrich per Canhàs e seis istòrias distopicas sus l’avenir sorn (emai se sembla bèl e lusent) de l’umanitat. Ambé de tematicas e d’idèas eissudas de nòsta modernitat butadas a seis extrèmes, lei novèlas partejan un èime ‘mbé la seria Black Mirror.

Estrach de l'article "L’occitan dins l’espaci..." d'Astrau Papazian, dins Lo Diari dau 17 de novembre de 2023.