Paraulas de Hemnas - Coordinacion Paulina Kamakine

Paraulas de Hemnas - Tòme 1 - Anthologie Bilingue de la Poésie Moderne Occitane

Coordinacion Paulina Kamakine

Paraulas de hèmnas, la premièra antologia poetica femenila e contemporanea en lenga d’òc es sortia gracias a Paulina Kamakine, 30 ans, poetessa bigordana. Lo siu pantalh era de publicar un libre que doneisse votz a la paraula femenila en la literatura occitana; a reunit 36 poetessas de totas las regions - Gasconha, Auvernha, Lemosin, Lengadòc, Provença, Val d’Aran, Paìs Niçard, Valadas Occitanas – que inviten a chaminar sus lor tèrra poetica. Es estaa activaa una cooperacion emè l’Espaci Occitan de Draonier, sostengut da la Region Piemont, e a travèrs la sia directritz Rosella Pellerino, son estaas contactaas decò nombrosas poetessas e chantairas de las Valadas Occitanas, de totas extraccions, etat, formacion. La tematica de las autritz presentaas es liaa a la natura, a la vita, a l’amor: paraulas legièras e bilgalhaas, mas decò plenas d’estent e de concrèta malinconia. Liricas de fremas qu’an traversat lo mileni, qu’an sobrat guèrras, delusions, Sant Martins e dòls sensa perdre tendressa, enca’ bòna a s’entusiasmar denant a l’espectacle d’la natura, de s’esmòure al recòrd del temp passat, e d’esperar ental futur. Mas decò liricas d’una nòva generacion d’autritz que, novèlas trobairitz, chanten la passion, decò charnala.

Lo viatge es estat talament fecond de rescontres, que lo libre a rendoblat e al tòme 1 seguissarè un tòme 2, al principi del 2021, emè autretantas poetessas (mai de 10 mec da las valadas).

Coordinacion per Paulina Kamakine, Avant-prepaus d'Anne-Pierre Darrées.

Edicions Reclams.

Las autoras :

ADRIANA ABELLO - LUCIA ABELLO - SORETA ALLARD – LOU PETÌT AUSÈTH - MARILENA BELTRAMO - SILVIA BERGER - MAGALÍ BIZOT DARGENT - BENEDICTA BONNET – NADINA BORGÉS - TERÈSA CANET - ESTELLO CECCARINI – CECILA CHAPDUELH - AMY CROS - DANIELA DAO ORMENA – DOMENJA DECAMPS - FRANCESCA DUDÒNHON - TÒNI ESCALA – DANIÈLA ESTÈBE HOURSIANGOU - MAYO FEUGAS - GENEVIÈVA GALLEGO - TIZIANA GALLIAN - JOSÍ GUILHÒT - CATERINA GIUSIANO - LISA GRÒS - NICÒLA LAPORTE - AURELIÀ LASSACA – SARA LAURENÇ ZURAWCZAK - EMILIANA LAVIGNE - OLGA MARTINO - MARINETA MAZOYER - BRIGITA MIREMONT ORAZIO – TRESIÀ PAMBRUN - TIZIANA RAINA - CATERINA RAMONDA – LILIANA ZAND – ZINE

Estraches leguits per las autoras: