Patwa - Doctors de Trobar (CD)

Patwa - Doctors de Trobar (CD)

Un primièr master en pòcha, los Doctors de Trobar tòrnan dobrir lor estudi, per un doctorat en relacions internacionalas, sagelat « United Colors of Patwa ». Los uèlhs e la boca tojorn plan dobèrts, los lyrics rajan d'un flow inchalhent, coma s'amusan de chimar una aniseta en riba de Mediterranèa.

 
Pacific ? Pas totjorn, e subretot pas quora aquò charra autò-tuna e poder, a aqueles que los partatjan pas. Los doctors del trobar clar son del caire del popular, d'aquel que pren son temps per viure e se pausar entre doás galèras.

Calorós, coirat, bronzinat, groovy, lo son pregond se muda quora o cal en napa de trap minimala e electrò. Los Doctors de Trobar es pas l'Atge-Mejan, es l'instru alternò e la punchline cocò, lo rap engatjat d'aquel que se bat e lo rap desgatjat d'aquel que s'en bat, son de tons reggaeton per pas se perdre la latinitat, es un transpòrt comun dins l'underground de nòstras societats, entre Montpel', Panam, Friscò e Tijuana.
 

Mai America del Sud que Sud de França, mas francofònas amb l'accent, las influéncias multiplas emplaçan las identitats quora de las bandièras gardam pas que lo margue, se parla de tot e puèi de res, s'esvelhan los sens e se trabalhan las fòrmas, lo cap plen de projèctes e los contra-pès dins l'aiga.

 
Assostats a la prod per DJ Kayalik (Massilia Sound System), Yellow, Chab, Drac e Inti traçan cadun dins lor latin quatre camins que mènan totes un aròma de rap game, a tastar sens tròp los testar. Lor trobar i va lèu, rude e sople, explosiu e festiu, sens jamai renegar los acòrds melodioses d'una suauda malenconiá. Chila !

Lo grope:
Doctors de Trobar ce sont 4 MC’s, Drac, Chab et Inti de Mauresca, ainsi que Yellow, un de leurs compagnons de route, mais une seule envie : faire du rap en occitan. Décomplexés de l’oc et du hip-hop, plus fous que doctes, ils remontent l’origine du verbe jusqu’au trobar, l’art des troubadours, consistant à trouver la rime juste, les mots qui frappent et claquent, tombant à point sur un riddim bâti comme un patchwork précis de pièces glanées au hasard de la vie et des envies. Traditionnel, le hip-hop ? Benlèu… Il ne s’apprend pas mais se vit, dans les rues et les périphéries du monde, au contact des autres citoyens de seconde zone, ceux qui sont laissés en dehors de la société, de ses codes et de sa culture. Le son traverse l’époque et il en est le fruit, le produit des années 90, du rap historique à la NTM, IAM, X-Men, mais aussi de l’école East Coast américaine (Notorious B.I.G, A Tribe Called Quest). C’est leur folklore, comme ils disent, celui d’un XXIème siècle réaliste, urbain, cynique, d’un quotidien vécu en franglais et aussi en « patois », un bagage comme un autre au milieu d’une culture populaire mondialisée et en mutation permanente. DTZ est l’évolution logique d’une génération embucada de breakbeat et d’occitan et l’invention tout aussi logique de la rencontre des deux et de l’identité de chacun : samples de grosses guitares rock ou sitar mélancolique, beats entraînants ou choeurs soul, textes tour à tour poétiques, drôles, contemplatifs, corrosifs ou engagés, le trobar des Doctors est clar, non pas clus ! Une Occitan Zulu Nation qui offre à tous une définition moderne de « larguesa » : un flow généreux, des lyrics accrocheurs, et en avant faya !

Titols:
1. Quatre camins - 4:00
2. Qué de nòu - 3:27
3. Underground - 3:04
4. Trobar lèu 1 - 1:29
5. Me'n bati - 2:58
6. Chila - 3:13
7. Cumbricula - 2:22
8. Bomba - 3:21
9. Trobar leu 2 - 1:22
10. Qu'enchaut - 4:00
11. AF1 - 4:09
12. Lei sous - 9:27

Extrachs:

Article de presma:

PATWA, sortit en 2017, qu’ei lo dusau disc deus Doctors de Trobar. Mercés a un finançament participatiu generós, los quate rapaires basats a  Montpelhièr  que  pòrtan  pèiras  a  l’edifici de la planeta hip-hòp en occitan, truversada d’influéncias americanas, assegurament mediterraneana, pas jamei provinciau. La recèpta que sembla simpla : quate poètas hablaires a la lenga plan penuda, barrejant paraulas suus instrumentaus escopits peu sound system. Mes avisatz-ve, lo trobar qu’ei un art, lo flow, ua cadéncia de víver.
«   Quatre camins, quatre biais de faire, cadun son latin, quatre flow mon fraire ». Atau lo repic deu permèr tròç. Drac, Chab, Inti, tres deus membres de Mauresca Fracas Dub, qu’encontran au Camille Martel alias Yellow. Joen montpelheran eth tanben, que s’a causit l’escritura e la musica coma expressions. Que publicà la permèra biografia deu grop famós Massilia Sound System, La façon de Marseille. Puish la votz, lo micro e l’empont. Dab eth, un flow provençau que’s vien mesclar au parlar de Montpelhièr, a l’espanhòu e au francés, dejà presents en la discografia de Mauresca.
Lo DJ Kayalik - membre deu Massilia Sound System e deu Oai Star - qu’assegura la pròd, a saber la composicion de la basas instrumentaus, supòrt e empara de las desbondadas vocaus. La recèpta deu sound system qu’ei d’ataca entà arcuélher l’expression poetica, barrejant e adaptant quauques mots anglés en referéncia au hip-hòp nòrd american. Tau com ac descriven los Doctors aquestes, « lo trobar que designa l’art de trobar la rima, lo son, lo ritme, los mots, qui trucan en çò deus trobadors de l’Edat Mejana enti’au rapaires de uei. »
En la via deu Massilia Sound System e de l’experiéncia Mauresca Fracas Dub, que saben estar hestius e canhós, autant com raujós e hissants. Que’s cèrcan lo biaish, l’anar, la faiçon, qui entinoa lo flow a l’occitana, en tot cultivar quate personalitats vocaus desparièras. Repics que son hèits tà estar cantats a plen de cap en ua hòssa de sala de concèrt, tà M’en bati per exemple. En un aute ambient, la suavitat deu tròç Chila - de l’anglés to chill - que’s pren lo temps. En har l’apologia deu hèit de’s « pausar lo cuól », los Doctors de Trobar que contan quin graseishen la creativitat, la recèrca de la rima, lo plaser de gahar lo bon mot. Tot açò entà parlar de sii-medish, entà crear lo son pròpi personatge de MC (mèste de ceremonia), entà pleitejar lo monde simple, o simplament lo monde, d’ua realitat populara, a laudar o a denonciar.
« On chante en patois parce qu’en français c’est trop facile, on écrit notre histoire à coup de phrases indélébiles ». En escríver PATWA a la mòda creòla, que hèn referéncia a l’idiòma jamaican gessit de la mesclanha enter mots anglés e africans, e a tot l’imaginari musicau e mostres sacrats deus riddims. Atorejats d’influéncias de tota part, conscients de l’istuèra millenària e deus atges d’aur de l’escritura occitana, de tant engatjats que siin, que’s menshidan deus drapèus e de las assimilacions. Que hèn rampèu aus qui harén maishant usatge de la lenga nosta en la « patoisant », justament. Libres e provocators, shens complèxe e com ac clama en lo títol « Bomba », que s’ancoran en ua identitat causida.
Caroline Dufau, article pareissut dins Lo Diari n°41, Genièr / Febrièr de 2018.