Sevdije - Joan Ganhaire

Sevdije - Joan Ganhaire

E quo es una òrra dralha que se drueba per lo comissari Darnaudguilhem e sa fiera esquipa… Mas coma sovent, una dralha ne’n pòt clachar una autra, e la tòrna de Sevdije, la brava Kosovar ne’n chaba pas de credar venjança. E la fina e blonda Guita Beringuier, la novela recruá, es pas la darriera a mostrar sas capacitats dins quela enquesta malaisada ente se boiran arcandiers vertadiers e refugiats politics.

Mentre que tot lo comissariat de Maraval es a festejar la retirada del "Gròs", se descobrís rua del Temps que passa lo cadabre d'una femna que sembla èsser estada escotelada rabiosament.
Afar de mors ? O i auriá un rapòrt amb lo servici prefectoral dels estrangièrs ? O aquò seriá una venjança albanesa o kosovara ? O benlèu un trafec d'organes ?... Tantas draias que seràn a explorar per la còla del comissari Darnaudguilhem...
La fina e blonda Marguarita Beringuier, la nouvèla recruta, es pas la darrièra a mostrar sas capacitats dins aquela enquesta malaisida ont se mèsclan bandits vertadièrs e refugiats politics !

Extrach :
[Guita Beringuier crida, sul telefonet de la femna escotelada, un numero que tòrna sovent.]
"L'admiracion de Darnaudguilhem per la novela montet d'un niveu quante la votz de la pita blonda se chamget d'un còp en la d'una bela bura de cinquanta ans [...]
'Pòde pas tròp te parlar, i a daus policiers dins los ranvers.' Pita guinhada e rison au comissari e a Ben Ahmrane [...] Puei lo còp d'engeni : 'Podriás pas venir ? I auriá dos-tres afars a discutir...' E la responsa inesperada : ' Quò pòt esperar passat-doman, que doman opere tota la jornada ?
– Òc, òc, segur.
– Bon. Passarai au Finamore divendres en fin de serenada...' Fin de comunicacion.
"Los dos òmes ne'n demoreren badants. En trenta segondas l'inspectritz Beringuier veniá de far miràudia. A l'autra riba dau fiau : lo cirurgian."

L'autor:

Joan Ganhaire (en francés Jean-Leopold Ganiayre) es un escrivan perigordin qu’escriu sas òbras en lemosin. Es nascut a Agen en Òlt e Garona lo 21 de mai de 1941. Après aver seguit sos estudis segondaris a Peireguers estudièt la medecina a Bordèu per s’installar com mètge en Peirigòrd ont naissèt sa vocacion d’escrivan occitan. Obtenguèt lo Prèmi Jaufre Rudèl en 2001 amb son òbra Lo viatge aquitan.

Edicions IEO-IDECO - Coleccion A Tots n°207.