Recently added item(s)
Aucun produit
Liames
L-9782859104047
New
1 Item
Dins l'estòc
14,00 €
Julon sul Canal de Riquet - Lionel HIGNARD, Françoise LEMONNIER, Robèrt MARTI, Joan-Claudi PERTUZE, Alan ROCH. Per las vacanças, los grands-parents de Julon li ofrisson una crosièra sul Canal del Miègjorn, de Tolosa a Seta. Ne'n va aprene, de causas ! Un album illustrat polit, pels enfants de sièis a dètz ans, tot en occitan (lengadocian). IEO edicions.
Type | Broché |
Année | 2006 |
Lenga | occitan (lengadocian) |
Pages | 44 |
Format | 23 x 24,5 cm |
Distributeur | IEO edicions - IDECO |
Label | Joven’Oc |
ISBN | 2-85910-404-6 |
Julon sul Canal de Riquet - Lionel HIGNARD, Françoise LEMONNIER, Robèrt MARTI, Joan-Claudi PERTUZE, Alan ROCH
Per las vacanças, los grands-parents de Julon li ofrisson una crosièra sul Canal del Miègjorn, de Tolosa a Seta. Ne'n va aprene, de causas !
Julon e sos grands-parents navigan a bòrd d’una barcassa sul Canal del Miègjorn, dempuèi Tolosa dusca Seta. Passan per plan de sitis coneguts que jalonan lo canal.
Tot al long del libre, se'n apren fòrça sus l’istòria de la construcion du canal, los eveniments passats e los personatges istorics coma son constructor, Pèire-Pau Riquet.
Libre pedagogic sus lo canal de miègjorn pels enfants de sièis a dètz ans, Un album illustrat polit e tot en occitan (lengadocian).
Illustracions de Jean-Claude Pertuzé, revirat en Occitan per Alan Roch e Robèrt Martí.
Joven’Oc, IEO edicions.
Los autors:
Robèrt Martí es nascut lo 21 de febrièr de 1944 a Albi (81). Banhèt dins l’occitan mairal de la Bastida de Sant Just de Viaur. Son percors profesional dins l’ensenhament, e son engatjament cultural an totjorn afortit son amor per aquesta lenga.
President de l’Institut d’Estudis Occitan pendent 10 ans, foguèt lo director del sector Edicion e Difusion de l’IEO : IDECO.
Escrivan reconegut (reçauprà los onors d’Apostrophes amb Bernard Pivot), publicarà mantuns romans en occitan, l’Ombra doça de la nuèch, lo balestrièr de Miramont... qu’auran per cadre la valada de Viaur.
Es tanben conegut jos l’escais de Padena, personatge umoristic amb quin faguèt d’espectacles nombroses.
Son engatjament lo menèt naturalament sus las piadas de Bodon. E es gràcias a son travalh remirable coma President de l’associacion Ostal Joan Bodon que permetèt que siague concretizat un de son sòmis los mai bèls : reabilitar sul territòri que lo vegèt náisser e grandir, lo memòri d’aqueste escrivan, que d’unes sònan lo Camus Occitan..
Alan Roch es nascut en 1952 a Carcassona dins Aude. Regent puèi animator cultural, es tanben autor, traductor e contaire.
Foguèt secretari general a l’IEO (1981-1986).
Estrach:
"Adieu-siatz, me sòni Julon. Aqueste estiu, me'n vau de passejada de Tolosa a Seta, en barcassa sul canal del Miègjorn amb mos grands. Nos demòra d'emplenar la sèrva d'aiga potabla e de daissar anar. Venètz amb ieu descobrir la navigacion sus aquel canal vièlh de tres cents ans, lo foncionament de las esclusas, la vida dels marinèrs e los païsatges de Lengadòc."
Aucun commentaire n'a été publié pour le moment.