Dialògues occitans Lemosin - Gilbert BORGÉS (libre + CD)

Dialògues occitans - Gilbert BORGÉS (Lemosin)
56 scenetas per se botar dins de las situacions de comunicacion de la vita vitanta.

Los 56 dialògues en occitan lemosin que sègon son pas vertadièrament un metôde d'apprendissatge de la lenga d'Oc. Mas podon ajudar a se botar dins de situacions de comunicacion de la vita vitanta de v-uèi e d'aici, per los qu'an pas l'astre de viure dins un mitan pro occitanofOne.
Aquo es lo recuèlh de tèxtes. Vos cal subretot trabalhar emb los CD.
Es pas realament un metòde, mas puslèu un esplech que vos farà aprivadar la compreneson a l'oral e, se sètz un "fals debutant", per aprene a legir e a escriure.

Quilhs « Dialògues lemosins » de Gilbert Borgés s'inscriven dins l'enveja de transmission de la lenga occitana que fuguet la soá: «passaire de lenga» dins son trabalh d’abòrd, que i fuguet regent chaminaire e tanben de classa bilingüa, e per lo quau permenet sa guitarra e sa biaça plan coneguda dins mai d'una escòla dau Nòrd-Dordonha. Transmission per l'escritura tanben, per far viure quela lenga dins lo monde d’aüei. Nos fai present dins quilhs dialògues, daus uns còps tirats de pitas istòrias viscudas, d'una tropelada de portrachs saborós, jos una espiada afialada e petejanta mas benvolenta maitot, que monstra bien l'interès e l'amistança que portava a la gent / aus autres.

Libre amb 2 CD audio en occitan.
Suls CD ausiretz l'enregistrament de 33 dels tèxtes, que d'unes foguèron enregistrats amb talent per de collegians e los talhièrs de lenga occitana de Dordonha. 

Edicions Novelum - IEO Perigòrd.
Obratge publiat emb l’ajuda dau conselh regionau de Novela Aquitània e dau Parc Naturau Perigòrd-Lemosin.

Aqueste libre es en occitan lemosin. Veire tanben lo libre  "Dialògues occitans Lengadocian".

L'autor:

Gilbert Borgés (en francés Bourgeois) nasquet en 1962 a Gots e Rossinhòu e defuntet en 2018. Quò es per son pair que, d'en prumier, auviguet parlar l'occitan. Aprep daus estudis de sociologia, entret a l’Escòla Normala de Perigüers. Comencet sa carriera de regent a Puei 'Gut e demoret totjorn dins la circonscripcion de Dordonha Nòrd, ente venguet regent chaminaire en 2011. Puei tornet dins lo primari a Brantòsme en tot contunhar de far lo chaminaire, puei junhet completament lo primari en apondre Rabairac a Brantòsme jurcinc'a 2018.
Comencet d'en prumier d'escriure en francés, daus contes que contava dins las serenadas, 'vances de passar a l'occitan per mai d'una novela, puei a daus corts racontes esmovents, los Raibes Negres e los Dialògues, aicí presentats.

Cossí utilizar aqueste libre ?
Per començar escotatz lo primièr dialòg un o dos còps, en ensajant de ne comprene lo mai possible : que, ont, quand, de qué es question ? Son d'acòrdi o pas ? E fin finala a qué arriban ?
Puèi solament, obrissètz lo libre e verificatz s'avètz plan comprés. Ensajatz alara de tornar dire d'expressions o d'unas replicas. Tornatz escotar un còp de mai. Quand pensatz qu’avètz plan assimilat, passatz al segond dialòg, e atal de seguida. N'avètz donc... per tota l'annada !