Nosautres - Evgueni Zamiatin (Traduction occitane de Joan Ros)

Nosautres - Roman d'Evgueni Zamiatin - Traduction occitane de Joan Ros

Obratge precursor de 1984 de George Orwell, Nosautres qu'ei un roman d'anticipacion qui anóncia los poders totalitaris. Ua òbra fondatora e pòc coneguda qui's pòt adara descobrir en occitan.



Evgueni Zamaitin escriguèt Nosautres, roman d'anticipacion visionari e fondator, dins los primièrs tempses de l'Union Sovietica, d'annadas abans la parucion de 1984 d'Orwell. Sens jamai semblar un pamflet politic, Zamiatin i denóncia l'orror de las societats totalitàrias que seguiràn.

Presentat jos la forma de nòtas jornalièras d'un engenhaire, D-503, lo roman conta sas interrogacions, escartairat entre sos sentiments personals e la desumanizacion esglasianta e urosa mestrejada pel grand menaire de l'Estat Unic, lo Benfactor.

Seriá possible alara d'escapar al bonur impausat e obligatòri d'aqueles que dison obrar pel ben màger de l'umanitat ?


 
L'autor :
Evgueni Zamiatin nais en 1887 en Russia tsarista dins una familha que lo paire es pòpe mèstre d'escòla e la maire musiciana. Fa d'estudis tecnics dins lo domèni la construccion navala a Sant Petersborg de 1902 a 1908.
Participa a la Revolucion de 1905 del costat dels bolcheviks. Es arrestat e assignat a residéncia mai d'un còp abans la Revolucion de 1917 per causa de sas activitats politicas. Es a aquela epòca que comença d'escriure de novèlas.
Mandat en Anglatèrra en 1916 per supervisar la construccion de naviris de guèrra, torna en Russia al mes de setembre de 1917, just abans la Revolucion d'Octòbre. Tota aquela temporada, pren part al tresboliment literari e cultural russe dels començaments de la Revolucion. Quita lo partit bolchevik tre 1917, en desacòrdi amb la subordinacion dels escrivans al poder.
Après un autre recuèlh de novèlas, La Cavèrna, escriu son roman d'anticipacion, Nosautres dins las annadas 1920-1921. Serà publicat en anglés qualques annadas pus tard, mas serà interdich en URSS. La censura pesa de mai en mai, lo poder s'enduresís e la publicacion n'es interdicha tre 1924.
L'escrivan es autorizat a s'exiliar en 1931 e s'installa a París en 1932 après un passatge a Berlin. Es alara qu'escriu lo scenari de l'adaptacion cinematografica per Jean Renoir dels Bas-fonds de Gorki.
Morís a París en març de 1937.
 

Lo reviraire:
Joan Ros nais a Nimes en 1950 dins una familha venguda del sud-oèst de Leire Naut. Es aquí qu'ausís mainatge la lenga occitana, la de la familha, dels vesins, del monde dels vilatges. Après lo licèu a Nimes fa d'estudis d'engenhaire en França (Ais de Provença e París) e puèi als Estats Units (UC Berkeley). Fa tota la carrièra professionala dins l'industria e a l'internacional. Al començament de las annadas setanta, s'interèssa a l'occitan e pus particularament a la varietat nòrd centrala sovent apelada auvernhat.

Escriu dins aquela lenga dos recuèlhs de novèlas publicats per IDECO Champeiradas e Ciutats e reviramai d'un obratge de lenga francesa e anglesa coma La bòria del bestial  (Animal Farm de George Orwell) publicat a l’Ostal del Libre. Es l'autor de l’Auvergnat de Poche per las edicions Assimil. A la demanda de la novèla region Auvèrnhe Ròse-Aups a realizada una antologia Huit siècles de littérature occitane en Auvergne et Velay publicada per EMCE.

Retirat de la vida professionala, demòra en Leire Naut.