List of products by manufacturer Joan ROS (Jean Roux)

Joan Ros (Jean Roux) nasquèt vès Nimes en 1950. Faguèt d’estudis d’engenhaire en França (Ais de Provença e París) puei vès los Estats-Units (UC Berkeley). Faguèt tota sa carrièira dins l’industria e a l’internacional. Per aquò damorèt dins diferents país, Belgica, Alemanha, Itàlia e trabalhèt dins de nombroses autres, Estats-Units, Granda Bretanha, Republica-Chèca, Polònia, Turquia, Rússia...
Tre las annadas 70 s’interessa a l’occitan e mai que mai a sa fòrma auvernhassa. Mai èsser nascut a Nimes, Joan Ros es auvèrnhat.

Prenguèt lèu de responsabilitats dins lo movement occitan principalament dins de l’IEO. Despuèi 1978 escriguèt de nombroses articles e contribucions dins diversas revistas coma Vai i qu’as Paur, Parlèm, Aquò d’Aquí, Novel Temp, La Setmana e maitas autras. En partir de 2001 escriguèt dos recuèlhs de novèlas Champeiradas e Ciutats e faguèt d’unas traducions coma La Bòria delh Bèstial de George Orwell o Nosautres de Zamiàtin (de paréisser). Es tanben l’autor de L’Auvergnat de Poche publicat per la maison Assimil, mai d’una pitòta antologia ; Huit siècles de littérature occitane en Auvergne e Velay.
Retirat dempuèi 2011 en Léger-Naut, a enrejat una tèsi a l’Universitat Paul Valery Montpellier III sotz la direccion d’Arvèi Lieutard, sobre la lenga de dos autors anvernhasses d’importància de la promèira meitat delh sègle XX, Benezet Vidal e Enric Gilbert.
Es tanben membre delh Congrès Permanent de la Lenga Occitana e de la seccion lenga d’òc delh PEN Club Inrenacional.