Parli Occitan - Joan RIGOSTA

PARLI OCCITAN - Joan RIGOSTA

Manual d'iniciacion per aprene l'occitan lengadocian.

Per aprene l'occitan lengadocian, un metòde de lenga mes al punt dins las Escòlas Occitanas d'Estiu e plan utilizat dins los cors d'occitan, al collègi o al licèu, tanplan coma dins los cors per adultes.

Cada leiçon part d'un tèxte cortet a prepaus de la vida de cada jorn, dona d’indicas de vocabulari, de gramatica e d’exercicis, mai una lectura e de jòcs en complement.

23 leiçons illustradas en negre e blanc per los dessenhs d'Ives Challand.

Edicion Escòla Occitana d'Estiu - IEO edicions, fòra colleccion.

L'autor:

Joan Rigosta (en francés Jean Rigouste, Senalhac del Causse, 25 de novembre de 1938) es un pedagòg e lingüista occitan especializat en toponimia. Foguèt ensenhaire de letras als licèus d'Agen, de Merinhac e de Brageirac. Trabalhèt tanben a l'IUFM d'Aquitània e a l'Universitat de Bordèu III.