Los sants innocents - Miguel Delibes, Sèrgi Carles

Los sants innocents - Miguel Delibes

Traduccion occitana de Sèrgi Carles.

Dins una escritura viva, ritmada, fòrta, que nos tòca al còr, Miguel Delibes, grand romancièr espanhòl del sègle XXen, nos balha amb Los sants innocents un cap d’òbra vertadièr.

L'accion se debana dins lo campèstre d’Estremadura, al temps dels grands proprietaris, mèstres e vailets vivon dins de mondes plan desparièrs. Los paures, estacats a la tèrra, enduran, cada jorn, someses a la volontat del mèstre.
Mas, dins aquel monde, s’i encontra tanben d’innocents que la sauvatgina esmòu.
Aital es amb Azarías que sap parlar als aucèls e los aprivada : don estranh que serà lo nos del drama final d’aqueste raconte realista e poetic.

Lo tèxt originalament en espanhòl, Los santos inocentes, es estat publicat pel primièr còp en 1981. La presenta traduccion en occitan es de Sèrgi Carles. Traduch dins mantunas lengas lo libre es estat adaptat al cinèma en 1984 per Mario Camus.

Revirat de l’espanhòl per Sèrgi Carles (titol original: Los santos inocentes).
Amb un lexic occitan-francés.

Edicions Letras d'òc.

L'autor original:

Miguel Delibes (Valladolid, 1920 – Valladolid, 2010), romancièr espanhòl, jornalista, es l’autor d’una òbra abondosa, reconeguda coma una de las majas de la literatura espanhòla contemporanèa.
Paregut en 1947, son primièr roman, La sombra del ciprès es alargada, serà seguit de plan d’autres al long d’un mièg sègle d’escritura literària. Demest eles, El Camino (1950), Las Ratas (1962), Cinco oras con Mario (1966), Los santos inocentes (1981), Señora de rojo sobre fondo gris (1991) o El Hereje (1998).

Lo traductor:

Dens sa longa carrièra dedicada mei que tot a l'ensenhament de la lenga occitana, Sèrgi Carles qu'a publicat mantuns libes d'escòla, traduccions e adaptacions d'obratges joenessa en occitan lengadocian. Quauquas annadas a, que s'ei virat de cap a la traduccion literària d'òbras d'autors estangèrs, com Una cadena de voses (A chain of voices) de l'autor sud-african André Brink, Los Sants Innocents de l'Espanhòu Miguel Delibes (Los Santos Inocentes) o tèxtes classics com La vida de Lazarillo de Tormes, prumèr roman vertaderament modèrne en Euròpa.
E, fin finala, qu'a publicat Istòria d'un sauvatjòt / Je suis cet enfant, lo raconte autobiografic de la soa enfància. Dens ua lenga tostemps rica e mestrejada, que conta lo son caminament personau.
De vertat, los tèxtes de Sèrgi Carles que ligan amassa plaser de lenga e descubèrta deus tèxtes.